Nú er aftur møguleiki fyri at melda seg til samrøðubólk fyri børn/ung hvørs foreldur eru farin frá hvørjum øðrum. 

Um nóg nógv tekna seg er ætlanin hesaferð at hava bólk fyri næmingar í 2. - 4. flokki.

Tó eru allir næmingar frá 2. - 10. flokk vælkomin at melda seg til. 

Tilboðið vendir sær til øll børn/ung, sum hava foreldur, sum eru farin hvør til sítt, líka mikið um tað nýliga er hent ella tað liggur fleiri ár afturi í tíðini. 

Samrøðubólkurin er ætlaður sum fyribyrgjandi tilboð. Talan er ikki um terapi, men vit vilja geva børnunum og ungum møguleika til at seta sína lívsstøðu inn í eitt størri høpið. Hetta gevur teimum konkret amboð til at takla/megna tær kenslur og tankar, tey ganga og stríðast við.

At møta øðrum, sum hava upplivað okkurt líknandi teirra egna, kann hjálpa børnum og ungum í ikki at kenna seg einsamøll, skeiv ella ónormal. Tað kostar einki at vera við í samrøðubólki.

Ætlanin er, at bólkurin hittist 7 ferðir í Skúlanum við Streymin, hósdagar frá kl. 1245 - 1415.

Melda til sum skjótast gjørligt ella í seinasta lagi týsdagin 4 februar. 

Tit kunnu ringja ella skriva til okkum á tlf. 584538 katrin.hoejsted@skulin.fo  ella á tlf. 562378 klarat@gigni,fo 

Blíðar heilsanir

Karin Højsted, AKT lærari og Klara í Túni Jakobsen, heilsufrøðingur.