Í dag hava allir næmingarnir verið á vali og hava valt teirra umboð í næmingaráðið. Hesi fýra Òlavur, Ester, Niels Andreas og Døgg vunnu valið, og koma at manna næmingaráðið í Hvalvíkar skúla skúlaárið 24/25:

Hvalvíkar skúli hevur eitt næmingaráð, ið er mannað av tveimum næmingum úr 1. flokki og tveimun úr 3. flokki, umframt einum lærara, ið vegleiðir og leggur teimum lag á. Endamálið við næmingaráðnum er, at næmingarnir læra at taka lut í einum fólkaræðisligum samfelagi, og at teir fáa høvi at hava ábyrgd og ávirkan á egnan skúladag.

Hugurin at stilla upp var sera stórur, 18 næmingar stillaðu upp. Valevnini fingu møguleika at greiða frá, hvat tey vilja arbeiða fyri - eins og á einum vanligum valfundi. Tað var hugtakandi at uppliva og hoyra allar tær góðu valtalurnar. Næmingarnir høvdu fyrireika seg væl. Vallyftini vóru eisini mong og góð. Úr rúgvuni kann nevnast

• Størri og betri spælipláss
• Spælihús í garðin
• Fríðka um skúlagarðin
• Kiosk/kafé á skúlanum
• Spælidag
• Veitslu/hugnakvøld
• Mála skúlan
• Longri fríkorter
• Møta kl. 10.00
• Gera skúlagarðin, so hann ikki er brotin.
• Fleiri og betri bóltar