Góðu foreldur!

Vika 12 verður ein tímatalvuleys vika, har dagurin byrjar klokkan 08.00 og endar kl. 11.30. Hesa vikuna fara vit at hava eitt lesi- og skriviátak, har føroyskt er í brennideplinum.

Vit fara at nýta ymsar frálæruhættir, eitt nú spøl, rørslu v.m. Eisini fara vit at lesa og skriva. Næmingarnir fara at arbeiða einsæris og í bólkum. Tá vikan er liðug, hava næmingarnir nomið sær arbeiðshættir á ein øðrvísi og stuttligan hátt.

Endamálið við hesum átakið, er m.a. at stimbra lesihugin og víðka um orðfeingið hjá næmingunum.